السلام علیکم معزز اراکینِ اردو مجلس آج میں آپ کیلیے ایڈوب فوٹوپ کی آٹھویں کلاس لیکر حاضر ہوا ہوں اُمید ہے یہ کلاس بھی آپ کو پسند آئے گی اس کلاس میں ہم لیئرز چینلز اور پاتھ کے بارے میں جانیں گےـ (ان شاءاللہ) لیئرز Layers فوٹوشاپ میں لیئرز دراصل مختلف طبقات کا نام ہےـ ایک ورک ایریا میں بیک وقت مختلف چیزوں پر کام کرنے کیلیے ہر چیز کو الگ الگ لیئر پر رکھنے سے کام آسان ہوجاتا ہے فرض کریں ہم ایک ہی لیئر میں اپنا نام تصویر اور لوگو رکھ دیتے ہیں تو دوبارہ اسے ایڈٹ نہیں کرسکتے جبکہ اگر تصویر لوگو اور نام الگ الگ لیئرز پر رکھیں گے تو جب چاہیں ایڈٹ کرسکتے ہیں اور ہر لیئر پر الگ الگ ایفیکٹس بھی دے سکتے ہیں ـ مندرجہ ذیل تصویر لیئرز (طبقات) کا مفہوم بیاں کررہی ہےـ اوپر دی گئی تصویر میں چار لیئرز (طبقات) نظر آرہے ہیں ـ لیئرز پلیٹ ظاہر کرنے کیلئے فائل مینو سے Window میں Layers پر ٹک مارک کردیں لیئر پلیٹ کی آپشنز منتخب شُدہ لیئر ڈیلیٹ کرنا جدید لیئر کا اضافہ امیج ایفیکٹ آپشن جدید لیئر سیٹ کا اضافہ (جس میں ایک سے زیادہ لیئرز سما جائیں) جدید ماسک کا اضافہ بلینڈنگ آپشن ظاہر لیئر مخفی لیئر مربوط شُدہ لیئر منتخب شُدہ لیئر ماسک شُدہ لیئر لیئر بلینڈنگ موڈ لاک ٹرانسپرنٹ پکسلز آپشن (کسی بھی تبدیلی کو بچاتا ہے) لاک امیج پکسلز آپشن (کسی بھی تبدیلی کو بچاتا ہے) لاک پوزیشن آپشن (جگہ میں لیئر کو مقفل کرتا ہے) لاک آل آپشن سے آپ لیئر پر کسی بھی تبدیلی سے بچ جاتے ہیں Opacity سیٹنگ: آپ کو (0) Invisible سے اوپیک (100%) کو بچاتا ہے لیئر کی فلنگ (0) سے (100) تک سیٹ کی جاسکتی ہے اس مثلث پر کلک کرنے سے مزید آپشن مینو نمودار ہوگا اوپر والے اس سکرین شاٹ میں موجود آپشنز کو ہم اپنی پریکٹیکل کلاسز میں استعمال میں لائیں گےـ (ان شاءاللہ) چینلز Channels چینل کسی بھی تصویر میں موجود رنگوں کی معلومات کو محفوظ رکھتے ہیں ـ جب بھی آپ کوئی تصویر کھولتے ہیں تو رنگوں کی معلومات رکھنے والے چینلز خود بخود بن جاتے ہیں جن کو آپ چینل پلیٹ میں دیکھ سکتے ہیں ـ چینلز کی تعداد کا انحصار تصویر کے رنگوں کے نظام پر ہوتا ہے ـ مثلا RGB تصویر میں ڈیفالٹ کے طور پر تین چینل ہوتے ہیں ـ اس کے علاوہ ایک RGB کا چینل ہوتا ہے جو تصویر میں ایڈیٹنگ کیلیے استعمال ہوتا ہےـ اگر آپ کی تصویر میں آپ کے مقرر کردہ رنگوں کے نظام کے علاوہ بھی رنگ موجود ہوں تو یہ ایلفا چینل میں محفوظ ہوتےہیں ـ اس کے علاوہ سپاٹ کلر چینل بھی تصویر میں شامل کئے جاسکتے ہیں ـ جیسے جیسے آپ تصویر میں چینلز کا اضافہ کرتے جاتے ہیں ویسے ویسے اس تصویر کے عمل کا حجم بھی بڑھتا جاتا ہے ـ بعض فائل اقسام چینل کی معلومات کو کمپریس کرکے فائل کے حجم کو بھی کم کردیتی ہیں ـ پاتھس Paths کسی بھی ایسی لائن یا شکل کو پاتھ کہا جاتا ہے جس کو آپ پین ، میگنیٹک پین یا فری فارم پین ٹول کی مدد سے بناتے ہیں ـ پاتھ درست طور پر سلیکشن بارڈر بنانے کا موثر ذریعہ ہے ـ بٹ میپ اشکال یا اوبجیکٹ کی نسبت پاتھ ، ویکٹر اویبجیکٹ ہیں جو پکسل سے مل کر نہیں بنتی ـ اس لحاظ سے پاتھ ، بٹ میپ تصویر الگ دیتے ہیں ـ بطور رزلٹ پر یہ عام طور پر پرنٹ نہیں ہوتے ہیں ـ جب ایک مرتبہ آپ ایک پاتھ کو بنالیتے ہیں تو آپ اسے پاتھ کی پلیٹ میں محفوظ کرسکتے ہیں ـ بعد میں آپ اس کو سلیکشن بارڈر میں بدل سکتے ہیں ، اس کے اندر کلر بھی کرسکتے ہیں یا اس کی آوٹ لائن کو کلر دے سکتے ہیں ـ آپ ایک سلیکشن کو پاتھ میں بدل سکتے ہیں ـ کیونکہ پاتھ ، بٹ میپ تصاویر کی نسبت ڈسک میں کم جگہ گھیرتے ہیں ـ پاتھ کے ذریعے آپ اپنی تصویر کے لائن آرٹ پر مشتمل حصے دوسرے لائن آرٹ والے پروگراموں کے لیے ایکسپورٹ بھی کرسکتے ہیں ـ آج کی کلاس کیلیے اتنا ہی کافی ہے اگلی کلاس میں اگلی پلیٹس کے بارے میں جانیں گےـ اب اجازت دیجیے ـــ پھر ملتے ہیں اگلی کلاس میں ـــ فی امان اللہ
سبحان اللہ فوٹو شاپ کے کورس میں ابھی ابھی آمد ہوئی دیکھ کر حیران رہ گیا اس قدر جدت کے ساتھ آپ لوگ ہمیں سمجھا رہے ہیں جتنی بھی تعریف کروں کم ہے (یہ تو روائتی انداز ہو گیا ہے نا! اللہ آپ کو ہمشیہ خوش رکھے
اسلام علیکم! شداد بھائی امید کرتی ھوں آپ خیریت سے ھوں گے بھا ئی پلیز مجھے لئیر اوپن کرنا بتائیں اور بیک گراونڈ کلر کیسے دینا ھے پلیز میری ہیلپ کریں اللہ پاک آپ کو ہمیشہ شاد اور آباد رکھیں آمین آپ کی مدد کی طلبگار
بہت بہت شکرہہ شداد صاحب فوٹو صاحب اتنا وسیع سافٹ ویر ہے کہ لوگ اسے دس دس سالوں سے استعمال کر رہے ہیں مگر اس کے تمام اآپشن سے نہ بلد ہیں جب بھی نا ورژن اآت ہے اس میں بہت کچھ نیا شامل ہوتا ہے۔اگلی قسطوں کا انتظار رہے گا
سیدھے ہاتھ پر آنے والی لیئرز اور دیگر آئین یا نیوی گیشن کی لسٹ غائب ہے مہربانی فرما کر بتا دیجئے کیا کروں؟
