جنید جمشیدکے صحابہ کرام کے بارے میں فرمودات

مفتی جنید جمشید تبلیغی جماعت نے کسی سماءچینل پرگفتگو کرتے ہوئے فرمایا کہ جن لوگوں نے اسلام لانے کے بعد غزوات میں شرکت کی ،جنگیں لڑیں ۔ وہ پہلے چور تھے ، ڈاکوتھے ۔ قافلے لوٹا کرتے تھے ۔ انا للہ وانا الیہ راجعون ۔ عمربن خطاب ، ابوعبیدہ بن الحراح ،علی بن ابی طالب ، زبیر بن العوام ، یزید بن سفیان ،معاویہ بن سفیان ،عمرو بن العاص،سعدبن ابی وقاص ، خالد بن ولید ،عبداللہ بن رواحہ وغیرہ رضی اللہ عنہم کیا یہ سب اسلام لانے سے پہلے ڈاکوتھے؟ کم علمی اور جہالت کی انتہا ہے ۔یہ ہے تمہاری دعوت دین ، تبلیغ ، اور فقہ ۔ کم ازکم مستندتاریخ کا تو مطالعہ کر لیا کرو، یا تاریخ بھی روافض کی پڑھنی ہے ، یہ سب تبلیغی جماعت اور ان کے نصاب کی کرشمہ سازی ہے ۔ فضائل کی کتب میں صرف فضیل بن عیاض کے حوالے سے یہ بات مشہور ہے کہ وہ پہلے ڈاکو تھے ۔ بعد میں اللہ نے ہدایت دے ۔ داعی تبلیغی جماعت نے سب کو ہی ڈاکو بنا دیا ۔ اعاذنا اللہ وایاکم ۔ اس امت کا کیا بنے گا جس کے ، نبی، امہات المؤمنین اور اس کے صحابہ کرام رضی اللہ عنہم کی عزتیں محفوظ نہیں ۔ اللہ ہدایت دے اور اپنی پناہ میں رکھے ۔ایسے داعی حضرات کا بائیکاٹ ضروری ہے ۔
چینل سما نے ردعمل کے بعد ویڈیو ہٹا دی ہے ۔

لیکن یہاں دیکھ سکتے ہیں ۔

https://www.facebook.com/video.php?v=10211067439030245

 

اگر انہوں نے قصدا اس طرح کا حوالہ دیا ہے ۔ تو یہ حقیقت میں گستاخی ہے ۔لہجہ اس سے زیادہ گستاخانہ ہے ، آپ اپنے آپ کو داعی ثابت کرنے کے لئے صحابہ کرام رضی اللہ عنہم کے حوالے سے مجہول اور غیر مستند بات لوگوں کو تک پہنچائی۔سوچنے کی بات ہے کہ عوام الناس کے ذہنوں میں یہ بات ڈال دی گئی ہے کہ تمہارے اسلاف ، جن کے واسطہ سے تم تک دین پہنچا ۔ وہ پہلے ، چور ، ڈاکو تھے ۔ اللہ کو پورے عرب سے اپنے نبی کے حواریوں کے لیے یہی لوگ ملے تھے !!۔ نیم ملاں خطرہ ایمان ۔یہی کام تو شیعہ بھی کررہے ہیں ۔ ویسے بھی اسلامی تاریخ میں ایسے جتنے ، ڈاکو اور لٹیروں کے واقعات نقل ہیں ۔ وہ تائب ہونے کے بعد شہید ہونے کے لیے نہیں نکلے ۔ بلکہ عابد ، زاہد بن کر جنگلوں میں جا بسے ۔شہر کے شہر تباہ ہو گئے ،یہ لوگ نماز عشاء کی سترہ رکعت ہی پڑھتے رہے ۔

 

یہ بات درست ہے کہ ہمارے ملکوں کے اہل علم اپنی ذمہ داری سے غافل ہیں. غفلت کے علاوہ حق کہنے میں مداہنت بھی ہے . ورنہ جنید جمشید جیسے لوگ اب تک میڈیا سے غائب ہو چکے ہوتے